Back Secret de confessió Catalan Zpovědní tajemství Czech Beichtgeheimnis German Seal of confession in the Catholic Church English Sigilo sacramental Spanish Rippisalaisuus Finnish Secret de la confession French Meterai Pengakuan (Gereja Katolik) ID Sigillo sacramentale Italian Sigill del sacrament LMO
La konfesa sekreto (latine sigillum confessionis = sigelo de konfeso) estas regulo de kristanismo, laŭ kiu sacerdoto preninta peko-konfeson nenial rajtas malkaŝi, kion li aŭdis de la konfesanto.
La konfesan sekreton skribe fiksis la 4-a laterana koncilio en 1215, sed ĝi jam antaŭe ekzistis kaj estis ĝenerale agnoskata. Lezo de la sekreto kaŭzas aŭtomatan (latine: Latæ Sententiæ) ekskomunikiĝon. Neniu, eĉ ne la konfesinto, rajtas nuligi la devon konservi la sekreton.
La sekreteco ligas ankaŭ aliajn personojn, kiuj iel ekscias pri la enhavo de la konfeso, ekzemple interpretiston.
Patrono de la konfesa sekreto estas Sankta Johano Nepomuka.